Хөвсгөл аймгийн Хатгал тосгоны Уран-Дөш цэцэрлэгийн багачуудад ЭкоДэвшилт ТББ-н санаачилгаар хог хаягдлын талаарх ойлголт өгөх үүднээс “Хог Хаягдал-Миний нүдээр” гар зургийн уралдааныг зарлаж ялагчдаа тодрууллаа. Бидний ирээдүй болсон хүүхэд багачууд маань хог хаягдал бидний амьдралд төдийгүй байгаль орчинд хэрхэн сөргөөр нөлөөлж байгаа талаар маш сонирхолтой бичигдсэн Хогон Мангас номтой танилцаж, өөрсдийн ойлгосон зүйлсээ зургаар илэрхийлэн харуулжээ. Уралдаанд маань идэвхтэй оролцсон 50 хүүхдүүдээс бүлэг бүрээс 2 бяцхан шилдэг зураач тодорч шагналаа гардан авлаа. Бүх оролцогч хүүхдүүддээ болон зургийн уралдааныг дэмжин ажилласан Уран-Дөш цэцэрлэгийн хамт олондоо талархал илэрхийлье.
