ЭкоДэвшилт ТББ-ийн санаачлан эхлүүлсэн “Хоггүй Хатгал” аян амжилттай үргэлжилж байна. Аяны хүрээнд бид хог хаягдлыг эх үүсвэр дээр нь багасгах, ангилан ялгах болон судлан шинжлэх ажлыг хийж гүйцэтгэж байна.
- Хатгал тосгоны 250 айл өрхөд зар тараан Хог хаягдал гэж юу вэ? Сургалтыг өгч, мэдээлэл хүргэн, идэвхтэй оролцсон айл өрхүүдийн дунд “Мөнгөтэй зочин” асуулт хариултын хөгжөөнт уралдааныг зохион байгуулсан.
1. Л.Цэнд-Аюуш гэр бүлийн хамтаар 7 асуултад
2. Б.Цэрмаа гэр бүлийн хамтаар 6 асуултад
3. Д.Нямсүрэн гэр бүлийн хамтаар 9 асуултад амжилттай хариулсан.
4. Хатгал ЕБС-н 12-р ангийн сурагч Алгирмаа дотуур байранд амьдардаг 3 найзын хамтаар оролцож бүх асуултдаа зөв хариулж Ялагч боллоо.
- Хатгал тосгоны худалдаа үйлчилгээний газрууд болох 30 супермаркет, дэлгүүр, мухлагтай хамтран ажиллаж 1 сарын хугацаанд 377кг хог хаягдал цуглуулан улмаар ангилан ялгаж, ямар төрлийн хог хэдий хэмжээгээр гарч байгаад судалгааг хийж байгаа юм.
- Хатгал Тосгоны ЕБС-ын 573 сурагчид 3 долоо хоногийн хугацаанд 276кг хуванцар хог хаягдал цуглуулсан билээ.
Өөрсдийн амьдарч буй орчин, байгаль дэлхийгээ хог хаягдлын бохирдлоос аврахаар шийдэж, идэвхтэй оролцож байгаа нийт Хатгалчууддаа баярлалаа.
